Maqrooz K Bigray Hue Halaat Ki Manind

Maqrooz K Bigray Hue Halaat Ki Manind

Majboor K Honton Pe Sawalaat Ki Manind,


Dil Ka Teri Chahat Mein Ajab Haal Hua Hai,

Sailaab Se Barbaad Makanaat Ki Manind,


Main Un Mein Bhataktay Hue Jugnu Ki Tarah Hun,

Us Shakhs Ki Aankhein Hain Kisi Raat Ki Manind,


Dil Roz Sajata Hoon Main Dulhan Ki Tarah Se,

Gham Roz Chalay Aatay Hain Baraat Ki Manind,


Ab Yeh Bhi Nahi Yaad K Kiya Naam Tha Uska,

Jis Shakhs Ko Manga Tha Manajaat Ki Manind,


Kis Darja Muqaddas Hai Tere Qurb Ki Khuwaish,

Masoom Se Bachay Ke Khayalaat Ki Manind,


Us Shakhs Se Mera Milna Mumkin Hi Na Tha,

Main Pyaas Ka Sehra Hoon Woh Barsaat Ki Manind,


Samjhao "MOHSIN" Usko K Ab Reham Karay,

Dukh Bant'ta Phirta Hai Woh Soghaat Ki Manind