Mere khuda mujay itna to moatabar kar dy

میرے خدا مجھے اتنا تو معتبر کر دے
میں جِس مکان میں رہتا ہوں اس کو گھر کر دے

یہ روشنی کے تعاقب میں بھاگتا ہوا دِن
جو تھک گیا ہے تو اَب اس کو مختصر کر دے

میں زندگی کی دعا مانگنے لگا ہُوں بہت
جو ہوسکے تو دُعاؤں کے بے اثر کر دے

ستارہ سحری ڈوبنے کو آیا ہے
ذرا کوئی میرے سورج کو باخبر کر دے

میری زمین، میرا آخری حوالہ ہے
سو میں رہوں نہ رہوں اس کو بارور کر دے

میں اپنے خواب سے کٹ کر جیوں تو میرا خُدا
اُجاڑ دے میری مٹی کو در بدر کر دے