نیا اک رشتہ پیدا کیوں کریں ہم
بچھڑنا ہے تو جھگڑا کیوں کریں ہم
خموشی سے ادا ہو رسمِ دوری
کوئی ہنگامہ برپا کیوں کریں ہم
یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم
وفا،اخلاص،قربانی محبت
اب ان لفظوں کا پیچھا کیوں کریں ہم
سنادیں عصمتِ مریم کا قصہ؟
پر اب اس باب کو وا کیوں کریں ہم
زلیخا سے عزیزاں بات یہ ہے
بھلا گھاٹے کا سودا کیوں کریں ہم
بچھڑنا ہے تو جھگڑا کیوں کریں ہم
خموشی سے ادا ہو رسمِ دوری
کوئی ہنگامہ برپا کیوں کریں ہم
یہ کافی ہے کہ ہم دشمن نہیں ہیں
وفاداری کا دعویٰ کیوں کریں ہم
وفا،اخلاص،قربانی محبت
اب ان لفظوں کا پیچھا کیوں کریں ہم
سنادیں عصمتِ مریم کا قصہ؟
پر اب اس باب کو وا کیوں کریں ہم
زلیخا سے عزیزاں بات یہ ہے
بھلا گھاٹے کا سودا کیوں کریں ہم
ہماری ہی تمنا کیوں کرو تم
تمہاری ہی تمنا کیوں کریں ہم
کیا تھا عہد جب لمحوں میں ہم نے
تو ساری عمر ایفاکیوں کریں ہم
اٹھا کر کیوں نہ پھینکیں ساری
فقط کمرے میں ٹہلا کیوں کریں ہم
جو اک نسلِ فرومایہ کو پہنچے
وہ سرمایہ اکٹھا کیوں کریں ہم
نہیں دنیا کو جب پروا ہماری
تو پھر دنیا کی پرواکیوں کریں ہم
ہیں باشندے اسی بستی کے ہم بھی
سو خود پر بھی بھروسا کیوں کریں ہم
چبالیں خود ہی کیوں نہ اپنا ڈھانچہ
تمہیں راتیں مہیا کیوں کریں ہم
پڑی رہنے دو انسانوں کی لاشیں
زمیں کا بوجھ ہلکا کیوں کریں ہم
یہ بستی ہے مسلمانوں کی بستی
یہاں کارِ مسیحا کیوں کریں ہم
جون ایلیا
Comments
Post a Comment