tum ko is wadi e rangin se aqidat hi sahi
Mere mahabub kahin aur mila kar mujh se!
Bazm e shahi may Garibon ka guzar kya mani
sabt jis rah pe hon satawat e shahi ke nishan
us pe ulfat bhari ruhon ka safar kya mani
Meri mahabub pas e parda e tashir e wafa
tu ne satawat ke nishanon ko to dekha hota
murda shahon ke maqabir se bahalewali
apane tarik makanon ko to dekha hota
Anaginat logon ne duniya may muhabbat ki hai
kaun kahata hai ki sadiq na the jazbe un ke
lekin un ke liye tashir ka saman nahi
kyun ke wo log bhi apani hi tarah mufalis the
Ye imarat o maqabir ye fasilen, ye hisar
mutal qulhukm shahanashahon ki azamat ke sutun
daman e dahar pe us rang ki gulakari hai
jis may shamil hai tere aur mere ajadad ka Khun
Meri mahabub! Unhen bhi to muhabbat hogi
jinaki sannai ne bakhshi hai ise shakl e jamil
un ke pyaron ke maqabir rahe benam o namud
aj tak un pe jalai na kisi ne qandil
Ye chamanazar ye jamuna ka kinara ye mahal
ye munaqqash dar o diwar, ye maharab ye taq
ik shahanashah ne daulat ka sahara le kar
Comments
Post a Comment